Hér er stuttmynd um Súpu, hún er næstum því 23 mínútur.

Góða skemmtun, Súpa.

Súpa from benedikt jónsson on Vimeo.

Dagurinn í dag byrjaði á mætingu niðrí skóla og fínstillingu á hljóðfærum okkar.

Stóra tækifæri Súpu var handan við hornið í dag..
Íþróttadagur Vinnuskólans var í dag og Súpa var bókuð á giggið.
Sólin skein og pylsur voru í boði og allt leit vel út fyrir Súpu.

EN þegar við löbbuðum inn í tónmenntastofuna til þess að ná í magnara og annað slíkt sem þarf í tónleikahald, þá vantaði slatta.

Þar sem lögin okkar þarfnast allra þeirra hljóðfæra sem við æfum þau með.. þá þurfti Súpa að hætta við tónleikana. 

Vinnumenn og konur Vinnuskólans hafa eflaust verið niðurbrotin en pylsurnar hafa vonandi verið fín huggun. Einnig var Pepsi.




í staðinn hélt Súpa fund varðandi stuttmyndina og fundað var til hádegis. 

Eftir hádegispásuna var mætt aftur niðrí skóla og ljóðalistin tók við.
Af nokkrum ljóðum höfum við ákveðið að birta hér aðeins eitt sem menn mega rýna í.

Sæludagur

Skundar út, bleikur mér
Undirförull flár í sté
Út við örkum hefndir þó
Lífsins klukka sem hér eitt sinn stóð 

Næst komandi fimmtudag, þann 22. júlí, munu Skapandi Sumarhópar bjóða gestum og gangandi að fagna starfslokum með okkur og sjá afrakstur sumarsins á lokasýningu sem haldin verður á Garðatorgi. 

Þar verður hægt að sjá Graffití listaverk eftir Kristján Júlíusson, fatalínu frá Kötlu Mist Brynjarsdóttur og Kolfinnu Kristínardóttur sem þær hafa unnið að í sumar. Einnig verða til sýnis frumsamin ljóð eftir Rebekku Jenný Reynisdóttur.
Ljósmyndir frá starfinu munu einnig vera til sýnis.

Tónlistahóparnir munu svo sjá um að skemmta gestum með ljúfum tónum. Hljómsveitin Súpa mun flytja nokkur frumsamin lög en meðlimir hennar eru Daníel Jón Jónsson, Benedikt Jónsson, Haukur Jóhannesson og Hlynur Hjartarson.
Einnig munu Eyrún Engilbertsdóttir og Jón Rúnar Ingimarsson flytja frumsamin tónverk. Hjörvar Hans Bragason, Jóhann Auðunn Þorsteinsson og Þorgrímur Þorsteinsson munu svo slást með í hópinn og munu þau fimm spila saman nokkur lög.

Herlegaheitin hefjast svo klukkan 17

Vonumst eftir að sjá sem flesta

Þriðjudagur, nýi mánudagurinn

JÆJA gott fólk..

Dagurinn var frekar afkastamikill hjá Súpu.

Í dag æfðum lögin vel og vandlega og tókum allt saman upp á vidjo.

Fórum einnig að hugsa út í stuttmyndina sem við ætlum að reyna að setja saman og fórum að pæla í efninu sem þar mun koma fram.

Annars eru lögin sem við eigum orðin 4 og öll þokkalega vel æfð.

Með hverju rennsli koma nýjar hugmyndir og allir eru orðnir þokkalega sammála um stefnuna og fílinginn sem tónlist Súpu hefur.

Núna er bara að spila aftur og aftur og aftur.. 

Best regards,
Súpa 

MÁNUDAGUR



Í dag var mánudagur og í dag var önnur hljómsveit með tónmenntastofuna. 
Það þýddi að í dag gátum við ekki æft neitt (þar).

Dagurinn byrjaði á því að Daníel hélt að hann væri veikur en sá sér fært um að mæta og mætti hálftíma seinna.

Svo tók myndbrota-innfærsla við og dagurinn fór mestmegnis í það. 

Létum eitt gamalt myndbrot inn á síðuna (fyrir neðan).

Einnig gerðum við gróft plan fyrir næstu vikur og erum komnir með ágætt plan.

Sólin skín og lífið er gott.



Kv. Súpa

Pælingar í tempói fyrir lag sem við spiluðum svo á Jónsmessugleði Garðabæjar. Þetta var mjög snemma í ferli lagsins, sennilega ein af fyrstu spilunum á því.



Kv. Súpa

Sælir kæru lesendur!

Dagurinn í dag gekk vel. Við stilltum upp kamerunni, ýttum á 'rec' og byrjuðum að æfa.
Í byrjun dagsins myndaðist strax nýtt lag og myndbrotið hér fyrir neðan sýnir útkomuna(loka skiptið sem við spiluðum það fyrir helgi).
Það er enn á byrjunarstigi og kaflarnir eru ennþá óákveðnir. Það gæti farið svo að lagið verði allt annað á lokastigi.


Tökum líka fram að magnararnir snúa allir þversum kruss þannig hljóðið er allt útum allt í þessari klippu. 
Hlökkum til að taka það upp almennilega og sjá og sýna útkomuna

Rafhlaðan í myndavélinni dó einmitt í lokin ... 



Kv. Súpa

Góðan daginn!

Á morgun munu tónlistarkrakkarnir úr Skapandi Sumarhópunum spila í IKEA í Kauptúni! Hefjast herlegheitin á slaginu 13:30 og er því tilvalið fyrir Garðbæinga að gera sér ferð í IKEA og versla, kaupa sér ís og njóta tónlistarinnar með okkur.

Annars gengur allt sinn vanagang hér í Sumarhópunum og nóg er að gera og allir krakkarnir eru að vinna hörðum höndum að sínum verkefnum.

Sumarkveðja,
Krakkarnir í Skapandi Sumarhópum Garðabæjar.

Fimmtudagurinn 8. júlí
...var afkastamikill dagur í sögu Súpu! 

Þetta byrjaði allt saman vel og fyrir hádegi fór í að klippa video af æfingunum okkar. Það gekk frekar brösulega þar sem það tekur sjö ár að setja nokkrar mínútur inn á tölvu úr cameru. Eftir þá misheppnuðu tilraun var lunch og svo beint í æfingar! Renndum mjög oft yfir lögin og þau eru byrjuð að fá góða mynd á sig. Í hvert sinn sem við spilum eitthvað af okkar lögum kemur ný hugmynd og lagið verður betra. 

Allt þetta tókum við upp og vegna tæknilegra örðugleika kemur myndbrotið mikla í fyrramálið. 

NÝTT LAG!
er byrjað að mótast. Gengur hægt en gengur þó

Þetta verður stutt og laggott blogg að þessu sinni en myndbrotið mun vonandi segja allt sem segja þarf.

Kv. Súpa